သားဆက်ခြားသောက်ဆေး

သန္ဓေတားစားဆေးကို ဘယ်နေ့မှာ စသောက်ရမလဲ

 - ရာသီပေါ်တဲ့နေ့မှာစသောက်နိုင်ရင်စိတ်အချရဆုံးဖြစ်ပါတယ်။
 - လွန်ခဲ့တဲ့ (၅) ရက်အတွင်းမှာမှ ရာသီစလာထားတယ်ဆိုရင်လည်း စသောက်လို့ ရပါတယ်။
 - နို့ထွက်နည်းစေတဲ့အတွက် နို့တိုက်မိခင်တွေ မွေးဖွားပြီး (၆) လ နေမှ စသောက်ပါ။ (၆) လ အတွင်းမှာ ကလေးကိုနို့ဖြတ်ရင်တော့ နို့ဖြတ်ပြီးပြီးချင်း သောက်နိုင်ပါတယ်။
 - နို့မတိုက်တဲ့ မိခင်တွေကတော့ ကလေးမွေးပြီး (၃) ပတ် ပြည့်ရင် စသောက်လို့ရပါတယ်။
 - ကိုယ်ဝန်ပျက်ကျပြီး (၇) ရက်အတွင်း စသောက်နိုင်ပါတယ်။
 - တခြား သားဆက်ခြားနည်း တစ်ခုခုက ပြောင်းလျှင် ပြောင်းချင်း စသောက်နိုင်ပါတယ်။
 - စသောက်ရမယ့်ရက်ကျော်နေပေမယ့် ကိုယ်ဝန်မရှိတာ သေချာရင်တော့ ဘယ်ရက်မှာဖြစ်ဖြစ် ဆေးကတ်စသောက်လို့ရပါတယ်။ အဲ့ဒီလိုအခါမျိုးမှာ ဆေးစသောက်ပြီး (၇) ရက်အတွင်း လိင်ဆက်ဆံတာကို ရှောင်ပါ။ မရှောင်နိုင်ရင် ကွန်ဒုံးသုံးစွဲပါ။

သန္ဓေတားစားဆေးကို ဘယ်လို သောက်သင့်သလဲ။
 - ဆေးကတ်မှာပြထားတဲ့အတိုင်းတစ်နေ့တစ်လုံး အချိန်မှန်မှန်သောက်ရပါမယ်။
 - ဆေးကတ် ကုန်သွားရင် ဆေးကတ်အသစ်ရဲ့ ပထမဆုံး ဆေးလုံးကို ရက်မခြားစေပဲ စသောက်ရပါမယ်။
 - ကိုယ်ဝန်ကို ထိထိရောက်ရောက် တားနိုင်ဖို့ အတွက် အရည်အသွေးပြည့်မှီတဲ့ ဆေးကတ်တွေကို တစ်နေ့တစ်လုံး အချိန်မှန်သောက်ဖို့ အရေးကြီးပါတယ်။

သန္ဓေတားစားဆေးရဲ့ ကျန်းမာရေး ကောင်းကျိုးတွေက ဘာတွေလဲ။
 - ကိုယ်ဝန်မရှိအောင် ထိထိရောက်ရောက် တားပေးတယ်။
 - လိင်ဆက်ဆံရာမှာ အနှောက်အယှက် မဖြစ်စေဘူး။
 - ရာသီ ပုံမှန် လာစေတယ်။
 - သွေးဆင်းတဲ့ ပမာဏ နည်းသွားစေတဲ့ အတွက် သွေးအား မနည်းအောင် ကာကွယ်ပေးနိုင်တယ်။
 - ရာသီလာတဲ့ အခါ ဗိုက်အောင့်တာ ၊ ကိုက်ခဲတာတွေကိုပါ သက်သာစေတယ်။
 - သားဥအိမ် ကင်ဆာ ၊ သားအိမ်ကင်ဆာတွေကို မဖြစ်ပွားအောင် ကာကွယ်ပေးနိုင်တယ်။

သန္ဓေတားစားဆေးသောက်ခါစမှာ ဘာတွေ ဖြစ်တတ်သလဲ။

ဆေးရဲ့ဘေးထွက်ဆိုးကျိုးတွေဖြစ်တဲ့
 - မူးဝေတာ
 - ပျို့တာ အန်ချင်တာ
 - ရာသီပေါ်ချိန် မဟုတ်ပဲ သွေးနည်းနည်း ဆင်းတာ
 - အနည်းအကျဉ်း ခေါင်းကိုက်တာ
 - ရင်သားတွေ တင်းလာတာ၊ နာကျင်တာ
 - နည်းနည်း ၀လာတာ၊ ပိန်သွားတာတွေ ဖြစ်တတ်ပါတယ်။
 ဆေးသောက်တာ ကြာလာရင် ဒီဘေးထွက်ဆိုးကျိုးတွေ တဖြည်းဖြည်း ပျောက်သွားပါတယ်။ တချို့အမျိုးသမီးတွေဆို ဘာဘေးထွက် ဆိုးကျိုးမှ မခံစားရပါဘူး။

သားသမီး ပြန်လိုချင်တဲ့အခါ ဘယ်လို လုပ်ရမလဲ။
 - ဆေးသောက်တာကိုရပ်လိုက်ပါ။
 - ဆေးသောက်ရပ်ပြီး လ အနည်းငယ် အတွင်းမှာ ကိုယ်ဝန်ပြန်ရနိုင်ပါတယ်။

သန္ဓေတားစားဆေးကို ဘယ်သူတွေ သောက်ဖို့ မသင့်တော်ဘူးလဲ။
 - အသက် (၃၅) နှစ်ကျော်ပြီး ဆေးလိပ်ကို အလွန်အကျွံသောက်တဲ့ အမျိုးသမီးတွေ
 - ရင်သားကင်ဆာ ရောဂါရှိသူတွေ
 - အသည်းရောင် ရောဂါရှိသူ၊ အရင်က တာဆေးကတ်စားနေတုန်းမှာ အသားဝါဖူးသူတွေ
 - နာတာရှည် အသည်းရောဂါ ဖြစ်နေသူတွေ
 - ကလေး (၆) လအောက် နို့တိုက်မိခင်တွေ
 - နှလုံး၊ သွေးတိုးရောဂါရှိသူတွေ၊ လေဖြတ်နေသူတွေ၊ ဆီးချိုရောဂါရှိသူတွေ
 - အပြင်းအထန် ခေါင်းကိုက်ရောဂါရှိသူတွေ
 - သည်းခြေအိတ် ရောဂါရှိသူတွေ
 - တီဘီဆေး၊ ၀က်ရူးပြန်ရောဂါဆေး၊ မှိုကြောင့်ဖြစ်တဲ့ ရောဂါပျောက်ဆေး သောက်နေရသူတွေ
 - တချို့အခြေအနေတွေ၊ ရောဂါတွေဟာ တတ်ကျွမ်းတဲ့ သူတွေက စစ်ဆေးကြည့်မှသာ ကိုယ့်မှာ ရှိနေမှန်း သိရတတ်တာမို့ ဆေးကတ်မစားခင် ဆရာဝန် ဆရာမနဲ့ တိုင်ပင်ကြည့်ပါ။

သန္ဓေတားစားဆေးကို သောက်ဖို့မေ့သွားရင် ဘယ်လို လုပ်ရမလဲ
 ၁. အပေါ် (၃) တန်းက ဆေး (၁) လုံး ဒါမှမဟုတ် (၂) လုံး မေ့ခဲ့ရင်
 - ဆေး (၁) လုံးကို သတိရရချင်း သောက်ပြီး အဲဒီနေ့အတွက် ဆေးလုံးကို ပုံမှန် ပြန်သောက်ပါ။
 - ကျန်တဲ့ ဆေးတွေကို တစ်နေ့ တစ်လုံး ဆက်သောက်ပါ။
 ၂. အပေါ်ဆုံး (၂) တန်းက ဆေး (၃) လုံး၊ ဒါမှ မဟုတ် (၃) လုံးထက် ပိုမေ့ခဲ့ရင် ဆေး စ သောက်ဖို့ (၃) ရက် ဒါမှမဟုတ် (၃) ရက်ထက် ပိုပြီး နောက်ကျခဲ့ရင်
 - ဆေး (၁) လုံးကို သတိရရချင်း သောက်ပါ။
 - ကျန်တဲ့ ဆေးတွေကို ပုံမှန်အတိုင်း ဆက်သောက်ပါ။
 - လိင်ဆက်ဆံတာကို (၇) ရက်ရှောင်ပါ။
 - မရှောင်နိုင်ရင် ကွန်ဒုံးကို စနစ်တကျ သုံးပါ။
 ၃. တတိယတန်းက ဆေး (၃) လုံး ဒါမှမဟုတ် (၃) လုံးထက်ပိုပြီး မေ့တာဆိုရင်တော့
 - ဆေး (၁) လုံးကို သတိရရချင်း သောက်ပါ။
 - အဲဒီ အတန်းက ကျန်တဲ့ ဆေးတွေကို ပုံမှန်အတိုင်း ဆက်သောက်ပါ။
 - အောက်ဆုံးအတန်းက ဆေးတွေကို မသောက်ပဲ နောက်ဆေးကတ် အစကနေ ပြန်သောက်ပါ။
 - လိင်ဆက်ဆံတာကို (၇) ရက် ရှောင်ပါ။
 - မရှောင်နိုင်ရင် ကွန်ဒုံးကို စနစ်တကျ သုံးပါ။
 ၄. နောက်ဆုံးအတန်းက ဆေး အညိုလေးတွေကို မေ့တာ ဆိုရင်တော့
 - မေ့သွားတဲ့ ဆေးတွေကို လွှင့်ပစ်ပြီး ကျန်တဲ့ ဆေးတွေကို တစ်နေ့တစ်လုံး ဆက်သောက်ပါ။
 * ဆေးကဒ်ကုန်သွားရင် ရက်မခြားစေဘဲ ဆေးကတ်အသစ်ရဲ့ ပထမဆုံး ဆေးလုံးကို စသောက်ရပါမယ်။

www.mate.com.mm